|
AFRIKAANSE ONDERWYS NA DIE GRONDWET HOF
Tabok
bevestig hiermee dat die TRUST die twee hangende hofsake, wat as volg in
die Pretoria se Hooggeregshof aanhangig gemaak is, ondersteun deur
regshulp en finansies te help verskaf:
1.
Laerskool Doornpoort teen die
Onderwysdepartement Limpopo
Saaknommer 44980/07 geliasseer op 27/09/2007.
2.
Tabok Derdepoort Ouerkomitee teen die
Skool en Beheerliggaam FH Odendaal Hoërskool
Saaknommer 42199/07 geliasseer op 05/09/2007.
Beide hierdie sake gaan oor die reg van Afrikaanse
Gemeenskappe (Die Afrikaner) om in terme van die Grondwet van die RSA,
sowel gelees met die Internasionale Reg ten opsigte van die Regte van
Minderhede, om hulle eie Etos in Taal, Kultuur en Godsdiens te mag
behou.
Die
Grondwet word amptelik getoets om die reg van die Afrikaner as ‘n
minderheidsgroep om eie Afrikaanse Enkelmedium Privaatskole,
universiteite en kultuurinstellings te mag behou uit die bestaande
strukture soos wat dit reeds in 1994 beskikbaar was.
Navorsing, wat in die hofstukke aangebied word, toon dat daar by
2010-2012 geen Afrikaanse enkelmediumskole en universiteite met ‘n etos
van die Afrikaner se taal, kultuur en godsdienstige waardes steeds in
die openbare sektor sal bestaan nie. Dit terwyl die grootste deel van
die Afrikaner-kinders steeds binne hierdie sektor opgevoed word en
ongeag die enorme finansiële bydraes wat deur Afrikaner-ouers jaarliks
hierin gestort word.
Hierdie
twee sake het reeds baie geld gekos wat tot dusver deur Tabok, met die
hulp van enkeles, gefinansier was. Daar word nog sowat R150,000 benodig
om die komende regskostes te dek en instansies, gemeenskappe,
kerkgemeentes en privaatpersone word gevra om ons by te staan in gebed,
openbare ondersteuning en finansiële bystand.
Inligting sal gereeld, soos beskikbaar, op Tabok se webblad
www.tabok.co.za geplaas word onder hierdie
inligtingstuk.
Alle
finansiële bydraes kan gestort word in ‘n spesiale Trust rekening met
besonderhede: TABOK; Rekeningnommer
62073600548; Kode 261550; Eerste Nasionale Bank; Centurion.
Stuur
faksbewys asseblief aan Tabok 012 644-2232.
Hierdie
epos mag namens Tabok na ander belangstellendes gestuur word.
Baie
dankie vir u ondersteuning.
Louis
Smuts
Nasionale Voorsitter TABOK
Posbus
15286, Lyttelton Manor; 0140
(T) 012
644-2234/5, (F) 012 644-2232 (Selno) 083 269 6449
|
